Om skolen

Kvifor

Ei industriell broderimaskin er ikkje vanskeleg. Ho er berre uforklart. Manualane som følgjer med er tynne og omsette frå kinesisk, videoane på nett er engelske, og når tråden ryk for femte gong er det ingen stad å spørje på norsk. Maskinbroderiskulen er svaret på det.

Kva han er bygd på

Skulen tek utgangspunkt i Sewtech sine einhovuda fleirnålsmaskiner — ST-1201, ST-1501 og SC-1501 — som Kreatek sel i Noreg. Men mykje av det du lærer gjeld alle industrielle broderimaskiner, for dei er tekniske syskjen. Kvar leksjon er merkt med kva maskiner ho gjeld for.

Videoane

Videoane kjem frå SEWTECH TV og blir spelte gjennom YouTube sin eigen spelar, med Sewtech si velsigning. Rundt kvar video har vi lagt norsk tittel, samandrag, klikkbare kapittel og ei liste over kva du skal sjå etter. Vi lastar ikkje ned eller lastar opp att videoane deira.

Kva det kostar

Nivå 0, 1 og 2 er gratis for alle. Nivå 3, 4 og 5 ligg i Proff, som kostar 99,– per månad eks. mva. Kjøper du broderimaskin hos Kreatek, følgjer Proff med gratis i tolv månader.

Personvern og video

Ingen video lastar før du trykkjer på spel. Vi brukar youtube-nocookie, så YouTube får ingenting frå deg før du sjølv vel det.

Kontakt

Kreatek AS · Volda · post@kreatek.no · kreatek.no
Eller bruk chatten nede til høgre — han går rett til oss.